to 咁多位親愛的支援友abcdefg及隊友:
 多謝晒你地今年仲肯再來幫我地手搞屎棍..
以下有少少事項希望各位注意..
支援友工作大概如下~
到達支援站後..
司機先於最近位置擺低支援友及所有應用物資..
司機之後先去找地方泊車..
某1/2 個支援友需要負責於路線出口睇水及帶路.. 見到我地 4 個時盡快捉我地埋壇..
其餘支援友盡快霸佔合適及有利位置作開壇之用..
支援友準備工作~
開壇後..
必須事項(a).. 將隊員abcd該站準備好的物資"打開定袋口"..及分開擺於地上 (以防隊員abcd出現亂搶物資情況)
必須事項(b).. 所有食物都需分開 4 分/ 4 袋.. 擺於各人物資旁邊
薯仔/ 飯團~ 會是路上吃.. 需分開 4 小袋..
薯蓉 ~ 可能路上吃.. 預先沖好熱水.. 凍了無問題.. 麻煩記得準備匙跟!!!
能量飲品/ 蜜糖水.. 擺於各人物資旁邊
未必須事項~
突發用品 (係需要每站都出現) .. 4 對後備鞋/ 行山棍幾支/ 按摩膏/ 冰粒/ 大型黑色垃圾袋/ 指甲鉗/ 4 條濕毛巾
準備好後~
睇水的睇水..
吹水的吹水..
小休的小休..
影相的麻煩影多 d..
食煙的呢埋先食 (請不要影響其他支援隊及毅行者..請小心火種!!!)
隊員abcd到達後~
此時請 1 位支援友記得睇實錶.. 頂晒龍 10 分鐘好 趕我地走.. 因為咁熱鬧好快會hea左好多時間..
此時請 1 位支援友周圍影多 d 我地 d 相.. 特別係影隊員 d & 太太.. 因為今年好可能係佢最後一年參加毅行者..
此時請沒事做的支援友協助隊員盡快完成補給/ 換衫換襪換電..
例如 ~
支援友啟文 協助 隊員a 拔
支援友霖 協助 隊員b amy
支援友嘉立 協助 隊員c 早
支援友吳太太 協助 隊員d 吳先生
如果情況許可.. 我真係好希望每站都可以來張 "支援友abcdefg+隊員abcd" 大合照!!! 
隊員abcd離開後~
請各支援友代為清理一下我地 d 垃圾及離開時不要留下垃圾 - LEAVE NO TRACE!!!
請將各人污糟的衫褲鞋襪分開封袋.. 不用帶到終點.. 我就想行完乾手淨腳翻屋企.. 改天先拎翻
之後執好野就大家都準時下站見/ 準時終點見 
 任何問題可以聯絡天天
[ 本帖最後由 天天 於 2008-11-2 09:39 PM 編輯 ] | 
發表於 2008-10-30 02:18 AM
| 
8 ｍｏｒｅ ｄａｙｓ！！！
發表於 2008-10-30 01:39 PM
| 
(明年) 承你貴言!!!
發表於 2008-11-3 12:02 AM
| 
發表於 2008-11-3 05:45 PM
| 
依計行事!!!
