Board logo

標題: 我係新新新人呀, 終於搵到有人玩 Inline skate 啦~~~~ [打印本頁]

作者: Keith    時間: 2005-7-10 07:38 PM     標題: 我係新新新人呀, 終於搵到有人玩 Inline skate 啦~~~~

各位好, 我叫 Keith 呀, 粉腸一名, 雄性動物, 22 歲, 貌似八兩金~~~ 一個人踏 roller 已經好耐啦, 不過一直都想搵一班人一齊踏~~ 如果可以既話我都想加入大家呀~~~~~
作者: Kurt    時間: 2005-7-10 09:02 PM

咁你搵對地方了, 呢到唔只有言承旭,渝民瀚, 張錦程 仲有八兩金. 已經可以拍無間5了
作者: Davy    時間: 2005-7-10 09:25 PM

你好 WELCOME~~~~~~
作者: Keith    時間: 2005-7-10 10:29 PM

咁多位好呀, 我其實由小學已經開始踏雪(劇)架啦, 技術就冇乜, 都係周街踩下咁, 不過之前有一日踩踩下對鞋身爆左, 所以已經半年冇踩 lu~, 幾日前上網見到有間鋪買 Inline 好平, 一對普通 Abec 5 既 roadblade都係賣 $650, 之前去過郎豪仿見到一同級既賣成 $1700, 所以o個日即刻去買左對 Abec 7, 82mm, 82A 既 softboot 都係 $950 web site: http://www.inline-skates.com.hk/ 頭先岩岩出去試踩左一陣, 發覺唔係好慣, 冇我想像中咁快同埋腳筒o個度夾到好痛, 唔之點解~~ 同埋你地個網設計得好靚呀, 簡直係一流~~~~~ 但我有個問題, 我想問我o係你地 inline 友入面係咪已經好大啦? 因為o的人成日話我咁大個人仲玩呢o的咁既野, 我唔想做阿叔呀~~~
作者: Charles    時間: 2005-7-10 11:25 PM

Keith,請問你買果對係咪圖中果對? 我地主要都係十零廿歲 當然十歲以下同四十歲以上都有 邊有話咁大個人仲玩...咁既說話
作者: Keith    時間: 2005-7-10 11:26 PM

係呀~ 就係買左圖中o個對~
作者: Charles    時間: 2005-7-10 11:42 PM

對鞋睇落唔錯吖 踩多陣就會慣架啦
作者: Keith    時間: 2005-7-10 11:52 PM

其實 Abec 7 同 5 大唔大分別呢 ? 以前o個對 abec 5 都踩到 25km/h, 而家個轆仲要大左, 應該會幾明顯有速度既分別架喎, 不過係我未慣啫~ 不過可能個轆大左, 成對鞋高左, 唔知係咪咁所以踩o個陣有小小外傾, 整到腳筒o個度好痛, 我諗要一斷時間適應~~ 我幾年前買o個對 hardboot abec 5 都要賣成$1600~ 呢對 upgrade 左咁多都係賣 $950, o個間鋪頭其他既 abec 5 既 softboot 都係賣$650-750 o的款真係唔錯架, 最緊要真係好低, 所以我遲o的一定忍唔住買多對 Abec 5~~~~~
作者: Kurt    時間: 2005-7-10 11:58 PM

Originally posted by Keith at 2005-7-10 10:29 PM: 幾日前上網見到有間鋪買 Inline 好平, 一對普通 Abec 5 既 roadblade都係賣 $650, 之前去過郎豪仿見到一同級既賣成 $1700, 所以o個日即刻去買左對 Abec 7, 82mm, 82A 既 softboot 都係 $950
好彩你冇係果度買野, 果間係一間我地俾左個Q嘜既優質店舖! 如果真係痛就可以試用一個護腕之類既東西把腳腕套住吧!
作者: 團長    時間: 2005-7-11 06:39 AM

Originally posted by Keith at 2005-7-10 11:52 PM: 其實 Abec 7 同 5 大唔大分別呢 ? 以前o個對 abec 5 都踩到 25km/h, 而家個轆仲要大左, 應該會幾明顯有速度既分別架喎, 不過係我未慣啫~ 不過可能個轆大左, 成對鞋高左, 唔知係咪咁所以踩o個陣有小小外傾 ...
其實 Abec 7 同 5 都係分別唔大....
作者: 團長    時間: 2005-7-11 08:26 AM

Keith你住係邊頭ar??
作者: Keith    時間: 2005-7-11 02:12 PM

我住屯門架~




歡迎光臨 HKSSG 論壇 (http://forum.hkssg.org/) Powered by Discuz! 7.0.0