HKSSG 論壇 - Powered by Discuz! Board

標題: 邊度學單線滾軸溜冰較好呢?? [打印本頁]

作者: 叮豬 時間: 2007-1-23 12:04 AM 標題: 邊度學單線滾軸溜冰較好呢??

想問下向邊度學單線滾軸溜冰較好呢??你地又向邊度學呢??

作者: Charles 時間: 2007-1-23 03:40 PM

若果有餘錢又唔介意洗可以去本地專做輪滑既商業公司報堂如卓嘉,YMCA,x-skate等價錢有平有貴一d社區中心或運動組織乜都有得教果D,即有晒藍足羽排.... 而roller只佔其中一樣既課程實在唔太建議當然,我地呢度都會教roller 有唔少會員入會時都係初學甚至第一次接觸而我自己以前都無參加過輪滑課程都係一d有經驗同教班既朋友提點同教下

作者: 叮豬 時間: 2007-1-23 07:21 PM

依到真係有得學? 我自己都想去卓嘉學，但細路學就好多。如果依個會有得學，我要點做呢?

作者: Charles 時間: 2007-1-23 07:54 PM

買鞋,買護具報名出席練習團或練習課程到時入埋會即可

作者: 叮豬 時間: 2007-1-23 07:58 PM

緊我咩都唔識，你地教，會唔會好難嫁？緊我咪買初學既護具(手同膝頭)同鞋??

作者: Charles 時間: 2007-1-23 09:10 PM

唔會有咩難,每個人一開始都係咩都唔識而護具有護腕同護膝都算足夠,有埋護肘仲好買鞋最緊要買對質素ok既你可以睇番之前既post

作者: Dik 時間: 2007-1-24 10:36 AM

你睇0向冰埸踩冰0既人有幾多真係學過. 味一樣咁多人踩. 年青人無咩好驚呀, 我地幾十歲0既會員都有啦.

作者: Rayner 時間: 2007-1-25 08:32 PM

o係度學, 跟抄屎學, 又平又唔怕圍埋細路堆仲學得快~ 一陣就學幾堂野XD

作者: Charles 時間: 2007-1-25 09:12 PM

Originally posted by 羅賓 at 2007-1-25 08:32 PM: o係度學, 跟抄屎學, 又平又唔怕圍埋細路堆仲學得快~ 一陣就學幾堂野XD

家陣你做媒呀!?

作者: Rayner 時間: 2007-1-25 09:23 PM

ha~ 幫你拉會員~

作者: 小炳 時間: 2007-1-25 09:34 PM

歡迎叮豬參加我地的團覺得enjoy的話先考慮成為會員與否也不遲

作者: 小炳 時間: 2007-1-25 09:39 PM

hkssg係非矣利組織

作者: 叮豬 時間: 2007-1-27 08:24 PM

我今日去左學，上左第一堂了...

作者: 阿權 時間: 2007-1-27 08:51 PM

去左邊到學呀？？學左咩技術呀？發表下∕

作者: 叮豬 時間: 2007-1-27 09:32 PM

卓嘉，學左點樣八字腳向前行同埋溜前，但溜得好慢下，又有d做不到。

作者: 阿權 時間: 2007-1-27 11:24 PM

就係呢ｄ呀．不如星期一夜晚到九龍仔公園滾軸溜冰場好過啦．． (2007-01-29)仲多野學啦 [ Last edited by Charles on 2007-1-28 at 12:18 AM ]

作者: 叮豬 時間: 2007-1-28 12:08 AM

都仲未學完，我都唔知仲繼唔繼續學好........ 我都未買鞋。

作者: Charles 時間: 2007-1-28 12:21 AM

你幫友仔見人地係女仔就落晒咀頭

作者: 阿權 時間: 2007-1-28 01:26 AM

邊有呀．．冇咁既事．．＾＿＾

作者: 渝泯 時間: 2007-1-28 02:42 AM

請問你是個十分"主動"的人嗎?? 我們很多人都是自學的, 很多時候只要肯玩, 身邊的人都很願意教~ 而且要肯花時間自己找資料來改進自己... 但先決條件是要自己十分主動和玩得, 因為對方有時會"跣"下你來取樂~ 而自學都有其他的問題, 例如... 1) 學的技術會很什, 因為教你的人不會經常是同一個~ 2) 知學外表, 但不知技巧的目的, 和需要的進階技術, 使練習無目標和方向 3) 接上一項, 玩到過了初學階段, 便沒有進步, 玩了10年的技術都可能是頭1年學回來的如果覺得自己要人push才練習, 自己不想花時間找資料, 或許是想keep到定時的運動時間, 可能比錢學都是一個可行的方法以上主要是"專門"的反面意見, 在於給予多角度的思考, 不代表本人(日常)立場~!!

作者: 叮豬 時間: 2007-1-28 10:49 AM

我都好想你地教，但你地既練習團時間又唔岩加上又無鞋......... 我本人真係好想玩嫁

作者: Charles 時間: 2007-1-28 09:58 PM

Originally posted by 渝民 at 2007-1-28 02:42 AM: 但先決條件是要自己十分主動和玩得, 因為對方有時會"跣"下你來取樂~

你估個個都係你咩~ 依家仲邊有得"跣"...... 最多咪講少d野,提點少d

作者: Charles 時間: 2007-1-28 10:00 PM

Originally posted by 叮豬 at 2007-1-28 10:49 AM: 我都好想你地教，但你地既練習團時間又唔岩加上又無鞋......... 我本人真係好想玩嫁

先做的是買鞋然後才談參與吧不要問我們能給/幫你甚麼先問自己對這個運動投入幾多

作者: 叮豬 時間: 2007-1-28 10:52 PM

你緊講不如等我再學下先吧緊講野都有...

作者: 阿權 時間: 2007-1-28 11:30 PM

Originally posted by 叮豬 at 2007-1-28 10:52 PM: 你緊講不如等我再學下先吧緊講野都有...

你咁講就唔岩．．係想玩既就要行出第一步．買對鞋先啦．．．

作者: 阿權 時間: 2007-1-28 11:41 PM

Originally posted by 叮豬 at 2007-1-28 10:49 AM: 我都好想你地教，但你地既練習團時間又唔岩加上又無鞋......... 我本人真係好想玩嫁

你要知道一樣野，hkssg係非矣利組織．大家都係出自願性質黎係埋一齊玩傢．你自己做番ｄ野先啦．． [ Last edited by 阿權 on 2007-1-28 at 11:48 PM ]

作者: 豆偉 時間: 2007-1-29 12:56 AM

Originally posted by Charles at 2007-1-28 10:00 PM: 先做的是買鞋然後才談參與吧不要問我們能給/幫你甚麼先問自己對這個運動投入幾多

抄屎,唔好講到咁嚇人啦, 人地女仔黎嫁, 難得有女仔有意玩roller 有心玩已經算好啦, 唔好咁快就嚇走人啦

作者: 叮豬 時間: 2007-1-29 08:22 AM

Originally posted by 豆偉 at 2007-1-29 12:56 AM: 抄屎,唔好講到咁嚇人啦, 人地女仔黎嫁, 難得有女仔有意玩roller 有心玩已經算好啦, 唔好咁快就嚇走人啦

一.一咪係囉

作者: Charles 時間: 2007-1-29 09:14 AM

無論年齡性別國籍無鞋講咩都係無用(除左買鞋既建議) 我唔係要求叮豬要再學下先只係想佢明白同行動~ 想玩就最起碼要有一對功能可靠既輪鞋你花時間響呢度表達你有幾想玩點解唔好好利用呢度既幫助黎解決你最基本問題~輪鞋呢

作者: 阿權 時間: 2007-1-29 10:12 AM

Originally posted by Charles at 2007-1-29 09:14 AM: 無論年齡性別國籍無鞋講咩都係無用(除左買鞋既建議) 我唔係要求叮豬要再學下先只係想佢明白同行動~ 想玩就最起碼要有一對功能可靠既輪鞋你花時間響呢度表達你有幾想玩點解唔好好利用呢度既幫助黎解 ...

同意...........

作者: Charles 時間: 2007-1-29 03:33 PM

Originally posted by 豆偉 at 2007-1-29 12:56 AM: 抄屎,唔好講到咁嚇人啦, 人地女仔黎嫁, 難得有女仔有意玩roller 有心玩已經算好啦, 唔好咁快就嚇走人啦

人地女仔黎嫁, 你唔陪人地去買鞋?

作者: 小炳 時間: 2007-1-29 04:31 PM

咁難得,不如阿權送對靚鞋比條女啦

作者: 阿權 時間: 2007-1-29 06:31 PM

Originally posted by 小炳 at 2007-1-29 04:31 PM: 咁難得,不如阿權送對靚鞋比條女啦

你想講咩呀？？？

作者: 小炳 時間: 2007-1-29 07:42 PM

講笑...... 比你豪一豪嘛哈幾時再買鞋? [ Last edited by 小炳 on 2007-1-29 at 07:50 PM ]

作者: 肥Sam 時間: 2007-1-29 10:49 PM

我開頭玩都是參加xskate的課程，如果第一次玩都有好處，可以幫助你消除恐懼感。但是技術上就真是好入門那種，想想看四堂裡每個鐘練到幾多，如果課後自己不去練，可能連進度都限不上。多些出來自己練，或者一起玩更好，有時自己在公園玩都幾悶，時間啱不防出來一起玩，進步快些又唔會太悶。買鞋可以買些便宜一點，七百元左右，Rollerblade的都不錯，去到店咪同老闆問吓，說出你的預算。如果怕買錯，可以抄下牌子型號，在這裡問下大家。記得一定要試穿，要求同波鞋一樣，唔頂腳指舒服就可以。觀塘開源道73-75號業發工業大廈2期6/F，這裡都幾多款選。還有記得買護具，就唔怕會破相。

作者: 渝泯 時間: 2007-1-30 03:02 AM

同意樓上所言~~ 後加意見 ...業發d鞋比較out...大約同電腦p2 200mmx, win98... 問題係無, 但係作為現代人, 可考慮買比較近代的鞋... 不過上去看鞋無咁大壓力, 找朋友(玩開的)講解比較易~ 上到一些roller會or公司會多些出現"花大濕"(註)的問題... 註:為零售用語, 意思大約是說服不識貨的客人買油水高/賣不出的貨尾之類, 一般此類貨品的品質較差或剩價比低...

作者: 小炳 時間: 2007-1-30 09:32 AM

Originally posted by 肥Sam at 2007-1-29 22:49: 要求同波鞋一樣，唔頂腳指舒服就可以

我覺得同穿波鞋不一樣呀,一般都要比較逼d,有d甚至是要感覺好逼先係真正fit自己,還要看下係咩類型的鞋,休閒、曲棍球、速度、平花等,不同類型的鞋,其size要求都唔同,例如一d有內套的鞋,穿下就會把鞋頂大(包括長度和寬度),另又如速度鞋,一般都不會怎麼頂大(特別是鞋的長度) 鞋不應買太差,鞋的size也極之重要,買好點的要花多d錢,但如果size不適合就有點兒浪費了,除了親身試鞋外,我建議量下自己的腳長先,(量時把腳放鬆,以求準確,也聽在一日內的不同時間,腳長都不一樣,但我自己量自己的,結果差不多),再問下d有經驗的意見,應買多大的,這建議主要是因為普遍初玩的都不懂感覺咩size才適合自己

作者: Charles 時間: 2007-1-30 05:40 PM

Originally posted by 渝民 at 2007-1-30 03:02 AM: 同意樓上所言~~ 後加意見 ...業發d鞋比較out...大約同電腦p2 200mmx, win98... 問題係無, 但係作為現代人, 可考慮買比較近代的鞋... 不過上去看鞋無咁大壓力, 找朋友(玩開的)講解比較易~ 上到一些roller會 ...

呢排都聽多左好多渝泯所謂"花大濕"既情況小心啊~ 順便呼籲下: 各位想買鞋既朋友啊~ 唔好聽d唔聽d 或者對大家既經驗建議睇完就算能提點的我們已盡量說而自己懶,唔睇又問重複問題所得既答案一定打左拆扣請花多點心和時間為自己選擇適合的輪鞋

作者: 叮豬 時間: 2007-1-30 11:32 PM

Originally posted by 肥Sam at 2007-1-29 10:49 PM: 我開頭玩都是參加xskate的課程，如果第一次玩都有好處，可以幫助你消除恐懼感。但是技術上就真是好入門那種，想想看四堂裡每個鐘練到幾多，如果課後自己不去練，可能連進度都限不上。多些出來自己練，或者一起 ...

緊你向x skate學好唔好，緊d鞋好唔好？睇中左對，我唸住去果到買

作者: Charles 時間: 2007-2-1 12:31 AM

x-skate 話佢地係"以商業活動及贊助資源，致力培訓職業運動員參與賽事為港爭光" 訂豬你覺唔覺得信得過? 我地既建議又信唔信得過? 豆偉為叮豬你說句話,你又同意令到我本人有d覺得..... 你營住人地會對你好一點有咩都會搵最準確既俾你知,教埋你點做但好多時d野覺得係,事實未必就係其實你唸清楚問題唸清楚自己要乜,需要知d乜點樣問/做好一點會容易得到真正需要既野或答案因為好多人都唔想答廢話讓想幫助你的人會/能幫助你吧買鞋邊度好唔好?定邊對好唔好? 學踩邊度好唔好?定係誰教好唔好?

作者: 渝泯 時間: 2007-2-1 12:45 AM

Charles哥的話好深... 我完全唔明... 不過計我話, 出面學一定是一分錢一分貨~ 鞋一定(!)不是最好, 教練不一定有料(看運氣, 也看自己有無心學~!) 如果對鞋得, 你點會(幫佢)買鞋?! 用個"c忽"想都知道啦... 你肯比$300/hr學, 一定找到"堅"人教, 但你自己吸唔吸收到?! "運動"最重要是練習呀~

作者: Dik 時間: 2007-2-1 10:47 AM

Originally posted by 渝民 at 2007-2-1 00:45: Charles哥的話好深... 我完全唔明...

作者: 小炳 時間: 2007-2-1 01:21 PM

想少付出多收穫往往是一件難事但又聽說'無奸不成商'

作者: 叮豬 時間: 2007-2-1 11:53 PM

Originally posted by Charles at 2007-2-1 12:31 AM: x-skate 話佢地係"以商業活動及贊助資源，致力培訓職業運動員參與賽事為港爭光" 訂豬你覺唔覺得信得過? 我地既建議又信唔信得過? 豆偉為叮豬你說句話,你又同意令到我本人有d覺得..... 你營住人 ...

錯呀

作者: 豆偉 時間: 2007-2-2 12:00 AM

Originally posted by Charles at 2007-2-1 12:31 AM: x-skate 話佢地係"以商業活動及贊助資源，致力培訓職業運動員參與賽事為港爭光" 訂豬你覺唔覺得信得過? 我地既建議又信唔信得過? 豆偉為叮豬你說句話,你又同意令到我本人有d覺得..... 你營住人 ...

好蟬呀~. 唔講咁多野,廢事講多錯多...

作者: 叮豬 時間: 2007-2-2 01:06 AM

唔講好過~~~

作者: Dik 時間: 2007-2-2 11:20 AM

Originally posted by 豆偉 at 2007-2-2 00:00: 好蟬呀~. 唔講咁多野,廢事講多錯多...

作者: 肥Sam 時間: 2007-2-3 09:04 PM

Originally posted by 叮豬 at 2007-1-30 11:32 PM: 緊你向x skate學好唔好，緊d鞋好唔好？睇中左對，我唸住去果到買

學費都幾貴，成五佰蚊，學四堂。如果妳報了名，她會借一對鞋比你，下堂後可以自己安排練，鞋的質素當然不太好，但是還可以。初初學溜的速度慢，對鞋的要求不會太高。想省錢，可以同我們出來玩，甚本動作不多，不過就要不停自己練。想學新東西，就一定要放好多時間。就是前溜，我都要成半年才明白，它的甚本要求，現在還在學。今天練了成日擺手。所以千萬不要以為上了四堂就會學識，一定要自己多些時間練。我都是上了初班，至於中、高班，我覺得幫助就會少好多，因為主要都是放多些時間練，至於技巧，上網都有好多心得找到。她那裡的鞋好多時都是斷了碼，記得選多一、二對做後著。上到去才想，好多時都會被人誤導去其他鞋。抄屎哥份人好好嫁，教人都好有心機。看一下就知你的問題，不要被他的言詞誤解。買了鞋出來一起玩，大家有共同興趣，一定可以玩得埋。

作者: 叮豬 時間: 2007-2-3 11:36 PM

Originally posted by 肥Sam at 2007-2-3 09:04 PM: 學費都幾貴，成五佰蚊，學四堂。如果妳報了名，她會借一對鞋比你，下堂後可以自己安排練，鞋的質素當然不太好，但是還可以。初初學溜的速度慢，對鞋的要求不會太高。想省錢，可以同我們出來玩，甚本動作不多， ...

嗯。我終於買左對鞋了

作者: 阿權 時間: 2007-2-4 03:05 AM

買左咩型號呀？有冇相睇呀？

作者: Dik 時間: 2007-2-5 11:54 AM

Originally posted by 叮豬 at 2007-2-3 23:36: 嗯。我終於買左對鞋了

作者: Dik 時間: 2007-2-5 11:56 AM

Originally posted by 阿權 at 2007-2-4 03:05: 有冇相睇呀？

人定係鞋先?

歡迎光臨 HKSSG 論壇 (http://forum.hkssg.org/)