好hurt 好失望

Dik

Originally posted by Charles at 2006-8-21 15:41: 本會四名幹事參加了雷利衛徑長征2006，相關網址，隊伍名稱"HKSSG"。 賽事日期是2006年10月7~8日(星期六、日)，路線是全程衞奕信徑 (全長78公里)。 試繳有遠足習慣或興趣之會員參與其中任何一段或以上，尤其是Sum,Dik,William,Zac,阿竣,Michael。 路程分段後距離不太長，難度不高，過程中亦有大量參加者陪伴，從未參與遠足活動的會員亦適合參加。

0里個post 係Charles 你出0既係你話誠繳會員參與並提及我個名我先出post問. 之前都試過係一d 唔關我事0既post 度問問題無啦啦俾人小過. 依家都唔會隨便reply. 如果係一般旅團你唔會話試繳會員參與. 況且你又話過程中亦有大量參加者陪伴, 所以我先會諗係唔係0里個活動一向有特別的安排或者習慣咁樣做呢. 定係你地想我地一齊行同你地打下氣呢? 做啦啦隊都唔錯呀. 有時你自己參加比賽都會叫d friend 屋企人女朋友0黎睇l.a. 有咩問題呢? 咁我味問law. 個reply 你有睇其他人有睇, 又唔見你dup 我個reply 重改埋d字眼放係人地出個post 度? 你睇我個reply 時可能都覺得我係味係度challenge 你, 但你都會先解釋回答然之後先問係味我覺得你搵我笨, 而唔會主觀地認定我係0向度挑撥你地, 點解呀? 因為你知道我唔係咁0既人, 作為普通會員0黎講我都算係較active 同有心0既一份子. 幾乎每日都上0黎講下野支持下個forum, 有活動0既好多時都會出席. 同你地唔係好熟都諗d活動同大家一齊玩, 咁有咩理由我會對你地不懷好意, 係度攪事? (個forum有幾多人０者，來來去去都係個十幾人出聲) 我好失望哩度有人咁樣諗我同埋用0里d咁0黎手法對我. 而我只不過係詢問出post者我唔我清楚0既問題. 我只係一個加入0左唔夠一年0既普通會員, 如果你地真係咁唔鐘意我我大可以走. 反正咁耐以0黎有些人從來都無心去認識我地0里d外來者. 唔介紹唔打招呼唔同你講野司空見慣. 不過可能0里d都係我自己0既問題, 天生克人憎又多事又唔識做人.

Charles

我明白你對我地既投入,而今次遭到Gordon果個post咁對待的確會令你感到好hurt. 但Gordon個post同你一直對本會既支持.我唸唔應該拉上直接關係. 我在"HKSSG"咁耐.響forum度依然都會被圍串,影射,開玩笑. 因為HKSSG係一個好多唔同既人開辦同參與既組織. 意見總有不和.言語上發生沖突亦好正常.相熟既串下笑下就成日都見. 而個會都係伴隨呢d野一直發展下去.... 我唔知道你係唔係咩挑撥人既人.我先解釋後問你係我工作上既需要. 其實果時Gordon咁樣做.我唸除左因為你個post既用詞同語氣帶有壓迫性. 仲有就係Gordon對你既唔了解同疑問.就整番你句說話俾你自己聽下. 我唔知你係咪覺得自己算係好支持hkssg.所以用詞同語氣可以係好熟既朋友咁樣. 但事實係你接觸個會同會員都只限於forum,溜街團同練習團, 咁樣唔能夠令你同全部人都好熟.因為有好多人與事你都唔會知道. 你唔會明點解我地有d幹事出黎玩果時,自成一推唔太理新會員. 除了各自性格關係.仲有其他原因,但不便在此詳談. 調番轉.有好多幹事或會員同樣唔明你.有個叫啟文既佢就叉左你先 有個叫Gordon會問下你究竟主力玩d咩,而今日俾左個post你歎下 有d會員又會見面講起你既post.話唔明你有時點解講一d野 總之依家係大家唔明大家搞咩 但我可以話你知.我地幹事中無人好唔鐘意你同想你走 多數都係唔明你有時講咩或者做咩咁講而覺得奇怪 而普遍意見都係覺得你熱心,但用錯方式表達,甚至有時令人反感 呀~仲有.係衣著性感 順便講埋.上次既"關你蛋治"事件,我地有次傾偈都講起過.以下原文轉錄 ......... Charles: forum個dik同啟文發生左d小口角 Gordon: 我見到.. 個地版又真係要整整既~ Charles: 但係的確係關佢蛋治喎 Gordon: 其實兩個都講得啱 .......... 串你既人未必係好唔鐘意你,起碼你好多分都係Gordon加俾你 只係呢度既相處方式唔係你想像中咁

William

Originally posted by Charles at 2006-8-22 08:36 PM: 你唔會明點解我地有d幹事出黎玩果時,自成一推唔太理新會員. 除了各自性格關係.仲有其他原因,但不便在此詳談. ...

我都唔明喎, 我以為係性格關係 :oh

啟文

無人唔鐘意你. 唔係無人去有心去認識你地新會員, 而係大家見面真係好少, 大家唔認識大家包括溝通方法, 無錯有d會員會唔鍾意出聲, 可能你同佢打個招呼, 他只係望一望你, 你大可當佢自閉, (我敢講自閉者唔會當你無禮貌的) 當新會員同我地相處耐一d, 就會慢慢認識我地. 仲有既係, 都唔係唔理你地新會員, 起碼我睇番d相見到炒屎都好用心去教你地點玩丫, 仲見到你地玩得好開心. dik, 放鬆點, 不要太在意

啟文

仲有, 呢排輪滑活動少左咁多, 係因為4大幹事要準備比賽事宜, 相信比賽過後, 炒屎都一定會再為大家搞活動, 宜家咪當係冷靜期囉.

天天

:amu 其實我又覺得o甘.. 呢度係一個會.. 一個ｓｋａｔｉｎｇ　ｇｒｏｕｐ.. 我諗起初都係想一班有興趣玩o既人有個"竇口".. 唔係一個社區中心　ｏｒ　聯誼會.. 唔係好似你去飲ｏ甘.. 人地主人家都笑口"ｓａｉ　ｓａｉ" o甘招乎 d 人.. 唔習慣ｓｏｃｉａｌ唔代表唔中意唔歡迎之嘛.. 出得o黎o既一ｄ人係為踩.. 一ｄ人係為踩住o甘識下人.. 兩個都無問題架.. 仲有啦.. o羊o野幹事唔幹事呢.. 幹事唔洗用腳踩o既o羊?? :cry1?　ｒｅｌａｘ?:bye ｔｏ : 有興趣一齊踩街o既會員.. 呢排會忙ｄ.. 無o羊特別十月中之前都應該無o羊踩街團.. 因為星期六日都要去趕山.. 有興趣o既話可以一行埋.. 或者閒日夜晚可以出彩虹道打下波.. 或者想踩o既可以約炒屎哥打完波之後踩街..（１１ｐｍ後） [ Last edited by 天天 on 2006-8-23 at 11:15 PM ]

Charles

已經有三個會員問我話唔知發生咩事, 所以我要... 最先 http://hkssg.org/forum/viewthread.php?tid=1006&page=1&fpage=1 #2 跟住 http://hkssg.org/forum/viewthrea ... 1&highlight=&page=2 #13 之後 http://hkssg.org/forum/viewthread.php?tid=1009&fpage=1

Zac

To Dik : 我雖然未同你見過面, 有時見到你既post, 我都會睇下. 比我既印象你真係一個比較active既成員, 係呢度都可以話難能可貴, 例如你攪下camp, 登下d好地方相同另類球賽等等咁, 雖然我冇reply過會去但其實心入面都想試試(馬後炮:angry), 如你走左我會覺得可惜, 因為未同你踩過, 況且走解決唔到咩問題, 只係剩番一腔怒氣. 我本身唔聰明, 所以睇左幾次先消化到, 只不過係詞語用字之間既誤會. 打既無心, 有d睇既會錯意....呢d係一個forum裡面出現極之普遍. 沖過凍水涼, 冷靜一下, take it easy 啦.:bigg 而到現時為止我所見過會裡面既人(十零個到), 友善既佔大多數, 有d好有心教你踩, 又有d睇見你新黎過黎問候下你(唔係粗口) 有d打波果陣知你屎放水比你過, 仲有d請我食雪條tim!!!:cry1 當然有時佢地講一d你唔明既野係無可厚非, 因為佢地識左好耐一齊經歷過好多野. 插唔到咀一d都唔奇, 咁咪自己練下囉. 冇乜大問題. 好難得先至聚埋一班人玩呢種比較偏門既運動. 所以心胸更加要廣闊一d:rolleyes ps: 我好樂意同好期待同你一齊玩, 不過我接受唔到太性感:bye, see ya soon ~. [ Last edited by 團長 on 2006-8-24 at 04:56 AM ]

渝泯

Originally posted by Dik at 2006-8-22 07:03 PM: ... 我只係一個加入0左唔夠一年0既普通會員, 如果你地真係咁唔鐘意我我大可以走. 反正咁耐以0黎有些人從來都無心去認識我地0里d外來者. 唔介紹唔打招呼唔同你講野司空見慣. 不過可能0里d都係我自己0既問題, 天生克人憎又多事又唔識做人.

無聊吹下水~~以下個人意見, 不代表其他人立場 "有人無心認識外來者"這一點....不能認同 "唔介紹唔打招呼唔同你講野司空見慣"...認同 但其實誰人都要知道這裡和一般的吹水討論區不同, 要人認同你, 就要玩多d, 在這裡留言只係為了找人出來玩這個目的, 沒有人是外來者, if 你出來玩的話, 如果你來了, 就發現所有的文字內容都係"廢話"...