東瀛 禁忌

Gordon

#1 [轉貼]東瀛 禁忌 日本鬼古一向特別恐怖，恐怖片更係出類拔萃，搞到連外國都要翻拍《咒怨》同《午夜凶鈴》。日本民間既奇怪禁忌同傳說亦都唔少，好多人話呢d傳說非常堅料，唔理禁忌的話，必然會惹禍上身。想知日本有乜特別禁忌同傳說，就要留心睇睇喇！ 唔知大家有冇諗過要移民去日本或者係當地讀書呢？如果有，咁就千祈唔好錯過今次既主題，因為日本有好多千奇百怪既禁忌需要大家留意，一個唔小心，好易出事架！ 禁忌1. 周五晚 勿剪指甲 日本傳統，係星期五晚上千萬唔好剪指甲，因為咁樣代表即將會同伴侶分開。分開都唔係最緊要，最慘係會生離死別，伴侶分分鐘會因為你亂剪指甲而喪命，真係唔抵，所以以後剪指甲都係朝早剪穩陣卅陛C 禁忌2. 千祈唔好 亂照鏡 相傳如果唔覺意睇實裂開咗既鏡一段時間，靈魂就會被吸進鏡內，永遠都出唔番嚟。如果你企係一大堆鏡前面，發現咗第十三塊鏡既自己係合埋眼的話，咁就大劑，代表你就快魂歸天國，叫朋友做定帛金畀你家人都得架。除此之外，踏正半夜兩點，都一樣唔可以照鏡，否則就好可能會見到其他「人」同你打招呼。 禁忌3. 長髮 易見鬼 日本人覺得長頭髮既人特別容易見鬼，因為鬼多數都係披頭散髮，所以好易會以為見到同類。而長頭髮既人，洗頭亦要特別注意，因為浴室天花板既四角都容易聚集幽靈，沖涼之前記住唔好望齊四角，否則鬼魂會趁你洗頭既時候斬你頭。不過短髮者就唔使驚，因為短髮會露出頸項，頸項會滲出陽氣，冤鬼唔敢立亂埋身。 禁忌4. 讀書 咪靠牆 日本學生既考試壓力比香港更加大，唔少學生每晚都要挑燈夜讀，如果夜晚背靠牆讀書的話，據聞會有個恐怖老婆婆從牆中跑出嚟拍你膊頭兩次，呢個時候，千萬唔好回頭望，否則老婆婆就會斬你頭，吸取你既讀書智慧。 日本人更認為考試d准考證號碼可以畀七或三整除的話，考試就一定會成功，真係信不信由你。 禁忌5. 天花板響 要回應 大家係咪時不時都會聽到天花板上傳出怪聲，好似細路仔玩波子咁呢？有人話係鬼仔玩波子，有人就話係因為鋼筋收縮既問題，更有人話係物理同建築學既問題。但日本人就認為夜晚九點之後，若天花板傳來咚咚聲，都一定要即刻問：「請問搵邊位？」唔出聲係代表冇禮貌，咁就唔好怪d鬼怪唔客氣，搵你陪佢哋玩! 禁忌6. 耳仔痕 有運行 如果耳朵深處突然覺得好鬼痕，即代表你第二日會有好事發生，特別係左邊耳仔，好運更加會行到腳趾尾。但係如果出現耳鳴情況，而且持續咁聽到三次怪聲，咁就代表你行正衰運，一定要特別小心。 禁忌7. 成年禮前 咪見鬼 日本二十歲先算成年，佢哋會係年頭舉行一個成年禮，所以二十歲既日本人心目中係非常重要既日子。如果你二十歲之前都冇見過鬼的話，咁就恭喜晒，因為你呢一世都唔會見到鬼。唔少日本父母，為咗子女著想，都會係佢哋行成年禮之前，不斷提醒佢哋咪亂犯禁忌，少d出夜街，以免撞鬼。以後阿爸阿媽叫你早d返屋企，就記得要聽話啦！ 禁忌8. 見靈車 藏拇指 日本人認為見到靈車或喪禮，必須將自己既拇指收藏起嚟，以表示對死者既尊敬，否則自己既父母就會因此而死於非命。如果收唔切拇指的話，就要暫時停止呼吸，咁都可以避過一劫！ 聽完以上咁多特別既禁忌，大家如果有機會去日本的話就要小心留意，一個唔小心犯咗其中一d禁忌，惹禍上身就唔好啦！