最多人接觸過的鞋類

Charles

請問你有接觸過以上邊種鞋類 起碼要著過一段日子,玩過一排 適應左同感受過該類的特性才算數喎 可以的話,請寫下對於該鞋類的感覺

天天

:bye １同４..

Dik

揀完先留意倒個post的主題. 剩係揀左一樣tim.. 可唔可以幫我改返. 1, 2, 5, 7 其實一同二點分架?

Dik

仲有, 我有隻我覺得係fitness/recreation 0既rb 鞋但係某本地團體度分類為off road, 咁點計?

Charles

Originally posted by Dik at 2006-6-6 10:13 AM: 揀完先留意倒個post的主題. 剩係揀左一樣tim.. 可唔可以幫我改返. 1, 2, 5, 7 其實一同二點分架?

投票沒人能夠改到 最多有人本身唔投果項,但佢幫你選埋 其實Recreation 同 Training(Fitness) 係好相似 Training(Fitness) 當係升級版吧 有d好低b既分別方法 Frame短,有Brake當recreation 輪子大過80或五隻輪為Training 但咁樣分其實唔準確 因為關鍵在於輪鞋既轉向性 Fitness 在設計上犧牲了轉彎能力甚至制動以提升速度 目的話係俾用家作訓練或者KeepFIT 其實只係將功能由學踩提升至鳩踩(我唸唔到用咩字表達...見諒) 可能d鞋商覺得主力出 Recreation 有d Cheap卦 又可能 Recreation 設計已經冇咩野好變,冇咩野好加 令設計改進時選擇高檔,高速度既方向 咁樣就開多個分類既名 又順便滿足埋Recreation同Speed中間既一群用家

Zen

我著既係特技鞋 Aggressive 佢比較重 同有時想轉彎急d都唔得 我都唔知佢有d乜野特點啦~~

Sum

我果對好似recreation, 又可以freestyle... XDD

yu

Aggressive~ 幾舒服架~內寵夠厚,上樓梯幾方便~ 有左一定技術之後仲可以玩下野,sess-slide呀,飛梯之類~(:arrr) 可惜轆細轆貴~有時剎制都要就住就住~ 仲有因為Aggressive鞋重少少,無其他鞋咁靈活~

Dik

Recreation 鞋係我擁有過最多的鞋款. 主要原因係佢地較普及, 亦較容易在市面上找到. 特點係bearing 一般在abec 5 以下, 有brake pad. 高及硬"統" frame 同鞋身絕大部份係不能分離式設計. 鞋重一般都係輕極有限 由於高"統"有pad及硬身0既關係因此體積較大. 有brake pad 溜街時可以幫助減低輪子的損耗. 高"統"及硬身有助保護足踝亦較舒服. 但由於鞋身頗重及有brake pad 的關係不利於長途亦有欠靈活. 走佬鞋現在來講沒有一對可以做到走佬鞋應有的標準. 我其中一對係rb出品鞋身係高統"縛帶皮boot型. 鞋身非常笨重著住0黎行簡宜直係活受罪. 除架上架絕不容易, 唔搵個地方坐低慢慢0黎唔使指意可以除到個輪架. 但最差的最差的, 係完全唔好踩…. (唔知係味自己0既問題) 所以我都係踩過兩三之就掉埋一邊無再用過.. 另一對係aggressive 鞋0黎. 0里對就好好多, 而且係ufs (即係可以換frame). 不過成三千銀 : p:duno 佢完全有aggressive 鞋0既特點, 就係重! (唔計對boot) 除架上架頗為容易但都係要坐低先做到. 佢最大好處係可以配用原裝鞋, 亦可配用其他類型的鞋. 不過都都係原裝鞋最舒服. 其他鞋可能搵d 吸震力高d先好. 講返aggressive 鞋, 正如前面講過特點係重. 輪子細平重心低俾任可一款inline 鞋都有更高的穩定性, 更易平衡, 相對亦無咁易pk但速度慢. 而且可傾側角有限(太斜會挖到個frame), 不利於急停及高速轉向而且難以發力加速. 因此踩aggressive skate 的姿勢與踩其它inline skate 會有明顯的分別. aggressive鞋其中一個有效的停低方法就係行路(跳住0黎行). 0里樣野其他鞋一定唔得…. 當然, aggressive 鞋最主要唔係踩, 係slide, slide 咩? 扶手啦, 闌桿啦, 玩高台同跳躍等law. 講得唔好唔好打, 講得好味加下我分law… hehe

~我愛羅~

以前玩過好一陣子Inline Hockey, 但都是自己同friend玩.....